Healthy Lifestyle Tips

ഒരു മനുഷ്യന്റെ ആയുസ് 120 വര്ഷം വരെ ആണത്രേ. എന്നിട്ടും എന്തുകൊണ്ടാണ് 60 വയസായ ഒരാളെ നമ്മൾ വൃദ്ധൻ എന്ന് വിളിക്കുന്നത്.

പകുതി വയസ്സിൽ വൃദ്ധൻ ആകേണ്ട  ഗതികേട്  വരുന്നത് മനുഷ്യന് മാത്രമാണ് .

മറ്റു ജീവികളെല്ലാം പ്രകൃതി ഒരുക്കിയ തൻ്റെ ആയുസ്സ് പൂർത്തിയാക്കി മരിക്കുമ്പോൾ മനുഷ്യൻ മാത്രം 50 വയസ്സ് ആകുമ്പോഴേക്കും ഷുഗർ പ്രഷർ എന്നീ രോഗങ്ങളാൽ ദുരിതം അനുഭവിക്കുന്നു.

 പ്രകൃതി മനുഷ്യനെ ഒരുക്കി ഇരിക്കുന്നത് ഓടാനും ചാടാനും മരം കയറാനും അധ്വാനിക്കാനും നീന്താനും മലകൾ കയറാനും എല്ലാറ്റിനും ഉള്ള സംവിധാനത്തിലാണ്  . മാറിവരുന്ന ജീവിത ശൈലി മനുഷ്യനെ ദുർബലൻ ആക്കുന്നു.

പ്രധാനമായും 5 ഘടകങ്ങൾ ആണ് മനുഷ്യന്റെ ആരോഗ്യത്തെ നിശ്ചയിക്കുന്നത്

1. Proper food
2. Proper breathing
3.Proper exercise
4.Proper relaxation
5.Proper thinking

These are the 5 things to be noted and follow for a healthy and prosperous lifestyle.

Proper food

a.മനുഷ്യൻ പൊതുവെ സസ്യാഹാരിയാണ് എന്നാൽ മാംസം കഴിച്ചാലും ശരീരം അതിനെ ദഹിപ്പിക്കും

ഓരോ വ്യക്തിയും അയാളുടെ ജോലിയുടെ സ്വഭാവമനുസരിച്ച് ഭക്ഷണം തെരഞ്ഞെടുക്കണം

പ്രധാനമായും ഭക്ഷണത്തെ സത്വഗുണപ്രദാനമായ ഭക്ഷണം

രജോഗുണ പ്രദാനമായ ഭക്ഷണം

തമോഗുണ പ്രദാനമായ ഭക്ഷണം എന്നിങ്ങനെ തരം തിരിച്ചിട്ടുണ്ട്

ഫലമൂലാദികൾ, പച്ചക്കറികൾ, വേവിക്കാത്ത ഭക്ഷണങ്ങൾ, പെട്ടന്ന് ദഹിക്കുന്നവ എന്നിവയാണ് സത്വഗുണപ്രദാനമായ ഭക്ഷണം ഇവ കഴിച്ചാൽ പൊതുവെ ശരീരവും മനസ്സും സത്വഗുണ പ്രകൃതത്തിലേക്ക് മാറുമത്രെ

ഭക്ഷണം കഴിക്കുന്നതിനു മുമ്പ് ആഭക്ഷണം നല്ലതാണോ എന്ന്  കണ്ണുകളും ( പാകമായതാണോ, കേടായതാണോ, നിറം )

 മൂക്കും (ദുർഗന്ധമുണ്ടോ, പഴകിയതാണോ ) 

നാവും (വളിച്ചതാണോ ,കൂടുതൽ എരിവോ ചവർപ്പോ ഉള്ളതാണോ )

കൈകളും (കൂടുതൽ തണുത്ത തോ ചൂടുള്ളതോ ആണോ ) പരിശോധിക്കണം അതിനാണത്രെ വായയിൽ നാക്കും തൊട്ടു മുകളിൽ മൂക്കും തൊട്ടു മുകളിൽ കണ്ണുകളും തന്നിരിക്കുന്നത്

b. കൂടുതൽ ഭക്ഷണം കഴിച്ചാൽ കൂടുതൽ ആരോഗ്യമുണ്ടാവും എന്ന ധാരണ തെറ്റാണ്

രണ്ടു കയ്യും ചേർത്ത് വെച്ചാൽ അതിൽ കൊള്ളുന്ന ഭക്ഷണമാണ് അയാളുടെ ഒരു നേരത്തെ ഭക്ഷണം അപ്പോൾ പ്രായത്തിനനുസരിച്ച് കയ്യുടെ വലിപ്പത്തിലും വ്യത്യാസമുണ്ടാവും എന്നത് ശ്രദ്ധിക്കുമല്ലോ! ഉദാഹരണത്തിന് 2 വയസുള്ള ഒരു കുട്ടിക്ക് ആ  ചെറിയ കയ്യിൽ കൊള്ളുന്ന ഭക്ഷണമേ നു നേരത്തേക്ക്  ആവശ്യമുള്ളൂ എന്നർത്ഥം അ തന്നെ 2 നേരമോ മൂന്ന് നേരമോ കഴിക്കണം

അതേപോലെ വയറു നിറഞ്ഞു എന്ന് തോന്നിയാലും ഭക്ഷണം കഴിക്കരുത്

c. വിശക്കുമ്പോൾ മാത്രമാണ് ഭക്ഷണം കഴിക്കേണ്ടത് എന്നാണ് നിയമം. നിങ്ങളുടെ ശരീരത്തിന് ഭക്ഷണം ആവശ്യമുണ്ടെന്ന സൂചനയാണ് വിശപ്പ്. രണ്ട് ഭക്ഷണങ്ങളുടെ ഇടവേള മിനിമം 3 മണിക്കൂറെങ്കിലും വേണം അതുപോലെ വിശപ്പില്ലാത്തപ്പോഴും വായക്ക് രുചിയില്ലാത്തപ്പോഴും ശക്തമായ തൊണ്ടവേദന ഉള്ളപ്പോഴും ഭക്ഷണം കഴിക്കരുത് ഇത് ഭക്ഷണണം ദഹിപ്പിക്കാനുള്ള പ്രാണന്റെ ബുദ്ധിമുട്ടിനെ കാണിക്കുന്ന സൂചനയാണ്

ദിവസം ഒരു നേരം ഭക്ഷണം കഴിക്കുന്നവൻ യോഗിയും

രണ്ട് നേരം ഭക്ഷണം കഴിക്കുന്നവൻ ഭോഗിയും

3 നേരം ഭക്ഷണം കഴിക്കുന്നവൻ രോഗിയും

4 നേരം ഭക്ഷണം കഴിക്കുന്നവൻ ദ്രോഹിയുമാവുമെന്നാണ് മനീഷി കളുടെ അഭിപ്രായം എന്നാലും ചെയ്യുന്ന ജോലിയുടെ അടിസ്ഥാനത്തിൽ ആവശ്യമുള്ള ഭക്ഷണം കഴിക്കുക ഇടക്ക് ഉപവസിക്കുന്നതും വളരെ നല്ലതാണ് ഒരു ഹർത്താൽ ലഭിക്കുമ്പോൾ നമ്മൾ ആശ്വസിക്കുന്നതു പോലെ പ്രാണനും അത് വലിയ ആശ്വാസമാവും "ലംഘനം പരമൗഷധം " എന്നാണ് ചരകന്റെ അഭിപ്രായം

d നന്നായി ചവച്ചരച്ചാണ് ഭക്ഷണം കഴിക്കേണ്ടത് ഭക്ഷണം കഴിക്കുന്നതിന്റെ 2 മണിക്കൂർ മുമ്പോ അര മണിക്കൂർ ശേഷമോ വെള്ളം കുടിക്കാം എന്നാൽ ഭക്ഷണത്തോടൊപ്പം വെള്ളം കുടിക്കൽ നിർബന്ധമാണെങ്കിൽ സിപ് സിപാ യി മാത്രം കഴിക്കാവുന്നതാണ്

Proper Breathing

ചെറിയ കുട്ടികൾ ഉറക്കുന്നത് കണ്ടിട്ടുണ്ടോ ശ്വാസം അകത്തേക്കെടുക്കുമ്പോൾ വയർ വികസിക്കുന്നതും പുറത്തേക്കു വിടുമ്പോൾ  വയർ ഒട്ടുന്നതായും കാണാം അതുപോലെയാണ് ശ്വസിക്കേണ്ടത് ശ്വാസോഛാ സവും മാനസീകാവസ്ഥയും തമ്മിൽ വളരെ ബന്ധമുണ്ട് ദീർഘശ്വാസം എടുക്കുമ്പോൾ മനസ്സ് ശാന്തമാവുന്നത് ശ്രദ്ധിക്കൂ

പണ്ട് നമ്മൾ മരം കയറുകയും ഓടുകയും മലകയറുകയും അദ്ധ്വാനിക്കുകയും  ചെയ്തിരുന്നപ്പോൾ കിതക്കുകയും കൂടുതൽ ആഴത്തിൽ ശ്വസിക്കുകയും ചെയ്തിരുന്നു എന്നാൽ ഇപ്പോൾ ഇത്തരം പ്രവൃത്തികൾ ഇന്ന് യന്ത്രങ്ങൾ ഏറ്റെടുത്തതോടെ നമ്മൾ രോഗികളായി തുടങ്ങി വളരെ

ആഴത്തിലും ദീർഘമായും ശ്വസിക്കുമ്പോൾ കൂടുതൽ പ്രാണൻ ശരീരത്തിലും ബ്രയിനിലും എത്തുകയും ഊർജസ്വലതയോടെ പ്രവർത്തിക്കാൻ സാധിക്കുകയും ചെയ്യുന്നു.

Proper Exercise

ഈശ്വരൻ / പ്രകൃതി മനുഷ്യ ശരീരത്തെ നിർമ്മിച്ചത് ,ഓടാനും ചാടാനും മരം കയറാനും അദ്ധ്വാനിക്കാനും നീന്താനും മലകയറാനു മൊക്കെയുള്ള സംവിധാനത്തിലാണ് എന്നാൽ ഇന്ന് ഇതൊന്നും നമ്മൾ ചെയ്യാത്തതിനാൽ ശരീരത്തിൽ മേധസ് വർദ്ധിക്കുകയും കൊഴുപ്പ് അടിഞ്ഞുകൂടുകയും അത് രോഗത്തിലേക്ക് നയിക്കുകയും ചെയ്യുന്നു.ഇതിന് ഒരു പരിഹാര മാ ണ് വ്യായാമം ചെയ്യുക എന്നത്

സൂര്യനമസ്ക്കാര മോ യോഗ യോ  ശാസ്ത്രീയ വ്യായാമ മുറകളോ പരിശീലിക്കുന്നത് നല്ലതാണ് .

Proper Relaxation

ശരിയായ വിശ്രമം എന്ന് ഉദ്ദേശിക്കുന്നത് ഉറക്കം മാത്രമല്ല ശരീരം ഉറങ്ങുമ്പോൾ ആന്തരീക അവയവങ്ങൾക്കും വിശ്രമം ആവശ്യമുണ്ട് അതിനാൽ ഉറങ്ങുന്നതിന് 3 മണിക്കൂർ മുമ്പെങ്കിലും ഭക്ഷണം കഴിച്ചവസാനിപ്പിച്ചിരിക്കണം നേരത്തെ ഉറക്കണം ( 10 മണിക്ക് മുമ്പായി ) അർദ്ധരാത്രി ഭക്ഷണം കഴിക്കരുത്

അതേ പോലെ മനസ്സിന് കൊടുക്കുന്ന വിശ്രമമാണ് ധ്യാനം 

ആഴത്തിലുള്ള ധ്യാനം നടക്കുമ്പോൾ ശരീരവും മനസ്സും ഒരു പോലെ വിശ്രമിക്കുന്നു 

20 മിനുട്ട് ധ്യാനിക്കുന്നത് 4 മണിക്കൂർ ഉറക്കുന്നതിനെക്കാൾ ഗുണമത്രെ.

Proper Thinking

നോക്കൂ നമ്മുടെ ജീവിതത്തിൽ സംഭവിക്കുന്ന 99 ശതമാനം കാര്യങ്ങളും നമുക്ക് അനുകൂലമാണ് എന്നിട്ടും നിക്കൾ എന്തിനാണ് വിഷമിക്കുന്നത്

എല്ലാവരും അടിസ്ഥാന പരമായി നല്ലവരാണ് വളര സന്തോഷത്തോടെ ബഹുമാനത്തോടെ സ്നേഹത്തോടെ എല്ലാവരോടും പെരുമാറുക ആരെയും കുറ്റപെടുത്താതിരിക്കുക 

ചോ:  ഒരു ചായ നന്നായി എന്ന് നമ്മൾ പറയുമ്പോൾ ആർക്കാണ് സന്തോഷമുണ്ടാവുന്നത്? 

ഉ:   അതുണ്ടാക്കിയ ആൾക്ക്

ചോ:  ഒരു ചിത്രം മോശമാണെന്ന് പറയുമ്പോൾ ആർക്കാണ് വിഷമമുണ്ടാവുന്നത് 

ഉ:  അത് വരച്ചയാൾക്ക്

ചോ: അങ്ങനെ യെങ്കിൽ സമസ്ത ചരാചരങ്ങളെയും സൃഷ്ടിച്ചത് ആരാണ് 

ഉ: ഈശ്വരൻ

ചോ:ആ ഈശ്വരൻ എവിടെയാണ്?

ഉ: നമ്മുടെ ഉള്ളിൽ തന്നെ

ചോ: അപ്പോൾ എതെങ്കിലും ഒരു സൃഷ്ടി മോശമാണെന്ന് പറയുമ്പോൾ ആർക്കാണ് വിഷമമുണ്ടാവുന്നത് 

ഉ: സൃഷ്ടാവായ  ഈശ്വരന്

ചോദ്യം: ആ ഈശ്വരൻ എവിടെയാണ്

ഉ: നമ്മുടെ ഉള്ളിൽ തന്നെ

ചോ: അപ്പോൾ ആർക്കാണ് യദാർത്ഥത്തിൽ വിഷമവുണ്ടാവുന്നത്

ഉ: നമുക്ക് തന്നെ

അതിനാൽ എല്ലാത്തിലും നൻമ കാണുക 

കടപ്പാട് 

Dr.Sreenath Karayatt